عايز تتعلم مجال تجيب منه فلوس كتيرة وبالدولار كمان؟ يبقى لازم تتعلم التسويق الالكتروني والتسويق الالكتروني هو فرع من فروع التسويق وعليه طلب بشكل كبير جدا في سوق العمل في السنين الاخيرة ومن المتوقع ان الطلب دة يزيد بشكل كبير السنين الجاية
وعملية التسويق بشكل عام هي اضافة وطرح منتجات او خدمات للسوق بالاضافة لترويجها وتوزيعها وبيعها للعملاء ولكن مع التوسع الكبير في التكنولوجيا الرقمية ظهر مجال التسويق الالكتروني او التسويق الرقمي
طيب انا ابدأ اتعلم التسويق الالكتروني ازاي ؟ معظم الناس بتواجه مشكلة ابدأ منين ودة لان معظم الناس فاكرة ان المجال دة شوية بوستات على السوشيال ميديا وخلاص لاكنه في الحقيقة اكبر واعمق من كدة بكتير
علشان كدة علشان تتعلم مجال التسويق الالكتروني لازم في البداية تغير نظرتك ليه وتكون عارف اي هو التسويق الالكتروني وايه اساسيات التسويق الرقمي والمهارات والمجالات المرتبطة بيه
وعلشان نسهل عليكم كل دة جبنالكم كورس تسويق الكتروني كامل مجانا
 |
| التسويق الالكتروني: كورس تسويق الكتروني كامل مجانا وبشهادة معتمدة |
ماهو التسويق الالكتروني
يتم وصف التسويق الالكتروني على انه تطبيق المبادئ العامة للتسويق عن طريق التكنولوجيا والوسائط الالكترونية ويعتبر من اهم اساليب التسويق
باختصار التسويق الرقمي بيعبر عن اي طريقة من طرق التسويق اللي بتتم من خلال الالكترونيات مثل اجهزة الكمبيوتر والهواتف الحديثة والتابات واي اجهزة الكترونية اخرى
وقد تستفيد الشركة من صفحات و مواقع الويب ومحركات البحث زي جوجل ووسائل التواصل الاجتماعية (السوشيال ميديا) ومقاطع الفيديو و الايميل علشان تعمل تسويق الكتروني
مزايا التسويق الالكتروني
- يوفر التسويق الالكتروني ميزة القدرة على بناء علاقة مع العملاء بشكل كبير جدا حيث يوفر التفاعل بشكل كبير جدا بين المنظمة والعملاء الفعليين او المحتملين
عن طريق توفير وسيلة التواصل الثنائي الاتجاه بعكس التسويق التقليدي الذي يعتبر عملية تواصل احادية الاتجاه - حل مشكلة كبيرة في التسويق التقليدي وهي الحاجة الى مكان واسع لعرض المنتجات ووفر طرق عرض سهلة لكافة السلع والخدمات عبر الانترنت
- وفر للعميل القدرة على طلب السلعة بطريقة مباشرة من خلال مراسلة مواقع المنظمة على مختلف المنصات على الانترنت
- في ايامنا الحالية بلغ الاقدام على التكنولوجيا والاجهزة الالكترونية الذروة حتى ان معظم مواقع التواصل الاجتماعي يفتحها المليارات يوميا
مما يتيح للشركة ضمان وصول المنتج الى العملاء عن طريق استهدافهم وهم يقضون وقتهم على الانترنت
اساسيات التسويق الالكتروني: المجالات المرتبطة بالتسويق الرقمي
علشان نوصل لهدفنا وهو تعلم التسويق الالكتروني لازم تفهم ان التسويق الالكتروني مرتبط بكتير من المجالات والمهارات وانصحك تتعلم كل مجال فيهم
مش لازم تتعمق فيهم كلهم بس اعرف وبعد ما تعرف اختار مجال منهم واتخصص فيه واحترفه
- السيو (seo):
وتشير الى (search engine optimization) وتعني تحسين محركات البحث وهو عملية تحسين الترتيب داخل محركات البحث لزيادة الدخول للموقع - (sem):
وتشير الى (search engine marketing) وتعني التسويق عبر محركات البحث وهي عملية التسويق للموقع عبر محركات البحث وغالبا ما يستخدم معها السيو (seo) - (smm):
وتشير الى (social media marketing) وتعني التسويق عبر وسائل التواصل الاجتماعي ودة بيتم غالبا من خلال الاعلانات على مختلف برامج التواصل الاجتماعي - ال (content marketing):
ودة بنقدر نستخدم فيه التلاتة اللي قولناهم قبل كدة يعني ممكن تستخدم ال (seo)عن طريق تضمين كلمات خاصة بالموقع بتاعك جوة المحتوى دة
وممكن تستخدم ال (sem) في انك تسوق لموقعك مباشرةً وممكن تشير المحتوى دة على السوشيال ميديا ودة يبقى (smm) - التسويق بالبريد الالكتروني:
رسائل بريد الكتروني منها الدعائية ومنها اللي بتضيف قيمة للعميل ودعائية برضو وممكن يتم استخدامها وتخصيصها لاستهداف مستخدمين معينين تستهدف اهتمامتهم
يعني ببساطة ممكن يكونو اشترو حاجات قبل كدة من الموقع بتاعك ف تبعتلهم حاجات شبهها او ريفيو عن منتجات شبهها - ال (Back links):
ودة لو جينا نبسطه وندي مثال عليه هنقول انه استشهاد موقع كبير وعنده زيارات كتير بمقالة عندك ووضع اللينك الخاص بها عنده على الموقع
كورس تسويق الكتروني كامل مجانا وبشهادة
نبذة عن منصة ادراك
تأسست منصة ادراك عام 2013.بمبادرة من مؤسسة الملكة رانيا للتعليم والتنمية
مع شركة ايديكس ومنصة ادراك هي منصة للتعليم المفتوح باللغة العربية عبر
الانترنت.
بحيث وفرت كورسات مجانية وتعطي عليها بعد ذلك شهادات موثقة من ادراك ومؤسسة
الملكة رانيا للتعليم والتنمية.
ما ستتعلمه في هذا الكورس
- اساسيات التسويق الالكتروني
- تطور التسويق الرقمي بعد ظهور المنصات الحديثة والاختلافات بينه وبين التسويق التقليدي
- المصطلحات والمفاهيم الاساسية للتسويق الرقمي
- إنشاء الحملات الإعلانية وإدارتها على منصة جوجل
- إنشاء الحملات الإعلانية وإدارتها على منصات التواصل الاجتماعي
- الاساسيات والممارسات الجيدة للاستهداف الناجح
تفاصيل الكورس
- الجهة: منصة ادراك
- التكلفة: مجاني
- طريقة التعلم: اونلاين
- لغة الشرح: العربية
- الموعد النهائي للتقديم : لا يوجد مفتوح دائما
- الشهادة: مجاناً
المميزات:
- دورة مجانية 100% اونلاين بدون تكاليف
- شهادة مجانية معتمدة من منصة ادراك ومؤسسة الملكة رانيا للتعليم والتنمية
- الشرح باللغة العربية
- لا يوجد قيود زمنية
- الاختبارات التقييمية
- فرصة لتطوير ذاتك و وضع الشهادة في ال cv الخاص بك
كيفية التقديم :
- الذهاب الى منصة ادراك من اللينك الموجود اسفل الصفحة
- التسجيل في الموقع كمستخدم او تسجيل الدخول كمستخدم اذا كان لديك حساب
- البدء في الدراسة
- اصدار الشهادة الخاصة بك
تعليقات
إرسال تعليق